“Uluçay” Sosial-İqtisadi İnnovasiya Mərkəzi Milli Demokratiyaya Dəstək Fondunun (NED) maliyyə dəstəyi ilə həyata keçirdiyi “Gənclərin Mülki Maarifləndirməsi Proqramı” çərçivəsində kiçik layihələrin dəstəklənməsi üzrə müsabiqəni açıq elan edir.

Müsabiqəyə layihədə (2011-2012) iştirak edən gənclər, ən azı 2 nəfərdən ibarət olan qrup şəklində müraciət edə bilərlər.

Müsabiqənin əsas prioritetləri aşağıdakılardır:

1. Gender bərabərliyi haqqında gənclər arasında maarifləndirmə;
2. Ətraf mühitin qorunması ilə bağlı əhali arasında maarifləndirmə;
3. Gənclərin qərar qəbuletmə proseslərində aktiv iştirakına dəstək vermək;
4. Vətəndaş jurnalistikası və onlayn media sahəsində gənclərin bilik və bacarıqlarının artırılması;
5. Gənclər arasında vətəndaş aktivliyinin artırılmasına yönəlmiş fəaliyyətlər;
6. Gənclər arasında vətənpərvərlik ruhunun artırılmasına yönəlmiş fəaliyyətlər;
7. Gənclərin sosial problemlərinin araşdırılması və analizin aparılması.

Müsabiqənin ümümi budcəsi 2,500 ABŞ dollardır. Hər bir layihə üçün maksimum məbləğ 350 ABŞ dollarıdır. Ümumi olaraq 10 layihənin maliyyələşməsi nəzərdə tutulub. Layihələrin həyata keçirilməsi müddəti maksimum 1 aydır.

Müsabiqədə qalib gələcək qruplara, layihənin həyata keçirilməsi üçün texniki dəstək göstəriləcək.

Müsabiqədə iştirak etmək istəyən qruplar, əlavə olunmuş ərizə formasını doldurub, son tarix 31 avqust, 2011, 18:00-dək This e-mail address is being protected from spambots. You need JavaScript enabled to view it e-mail ünvanına göndərməlidirlər. Müsabiqənin nəticələri 09 sentyabr, 2011 tarixdə elan olunacaq.

Əlavə məlumat və suallar üçün, xahiş edirik aşağıda qeyd olunan əlaqə vasitələrindən istifadə edəsiniz:

“Uluçay” Sosial-İqtisadi İnnovasiya Mərkəzi

M.E.Rəsulzadə 163A, AZ5500, Şəki, Azərbaycan

Əlaqələndirici şəxs: Nübar Həsənli, Rəqsanə Səlimova

Tel/fax: +994 2424 45447

 Əlavələr: Ərizə forması